"Әкесінің қатысы болуы мүмкін": 5 жасар баланың өліміне қатысты тың дерек шықты

26 қазан күні Қостанай облысы Әулиекөл ауданында 5 жасар бала қаза тапты. Баланың өліміне байланысты Әулиекөл аудандық полиция бөлімі соталды тергеуді бастады, - деп хабарлайды   Opennews.kz  ақпарат агенттігі.

Күдікті сол күні ұсталып, сот оған күзетпен ұстау түріндегі бұлтартпау шарасын санкциялады. Егер күдіктінің кінәсі дәлелденсе, ол өмір бойына бас бостандығынан айырылуы мүмкін. Күдіктінің іс-әрекеті Қылмыстық кодекстің 99-бабы 3-бөлігі ("Баланы өлтіру") бойынша қаралып жатыр.

Қостанай облысы прокуратурасының мәліметінше, тергеу барысы облыс прокуратурасының бақылауында. Жергілікті тұрғындардың айтуынша, баланың өліміне оның әкесінің қатысы болуы мүмкін.

Қостанай облысы бойынша бала құқықтары жөніндегі уәкіл Несібелі Бәсенова қаза тапқан бала балабақшаға барғанын айтты.

Оның айтуынша, баланың анасы ата-ана құқығынан айырылған.

Бала тәрбиеленген отбасы көпбалалылар қатарына жатады.