Маңғыстаулық азамат әйелін 21 жерінен пышақтаған

Маңғыстау облысының тұрғыны сүйіктісін аса қатыгездікпен өлтіргені үшін сотталды- деп хабарлайды Opennews.kz ақпарат агенттігі. 

Кешкі уақытта екі жастың арасында кикілжің пайда болады. Кейін ер азамат әйелді пышақтап, құны 150 мың теңге тұратын ұялы телефонын және банк картасын ұрлап кетеді. Осы орайда қылмыскер жәбірленушінің далада ойнап жүрген баласынан банк картасы мен телефонның пин-кодын сұрап үлгереді. Есепшоттан 2 миллион, мобильді қосымша арқылы 340 мың теңгені өзіне аударып, жұмсап тастаған. 

Айыпталушы азамат, анықталғандай марқұм әйелмен заңды некеде тұрмаған. Қасақана өлтірді деп танылып, 15 жылға бас бостандығынан айырылды.