Өскемен тұрғыны аю атқаны үшін ұсталды

385
Шығыс Қазақстанда ер адам заңсыз түрде аю аулаған- деп хабарлайды Opennews.kz ақпарат агенттігі.

Облыстық ПД мәліметінше, 6 қарашада Өскеменнің 51 жастағы тұрғыны ұсталды.

“Тарханка ауылының жанындағы ер адам аюды атып өлтірген. Етті өзіне қалдырған күдікті аюдың табанын сатып жібермек болған", – дейді полицияда.

ПД басшысы Сағат Мәдиев аталған факті бойынша ҚР ҚК 337-бабы "Заңсыз аңшылық" бойынша сотқа дейінгі тергеу басталғанын хабарлады.

“Келтірілген залалдың сомасы белгіленеді. Осы баптың санкциясымен үш жылға дейін бас бостандығынан айыру қарастырылған, – деді облыстық ПД бастығы Сағат Мәдиев.