Қаз
Рус
Алматыда картоп пен қанттың мөлшеріне шектеу қойылды
412
Алматыдағы "Магнум" супермаркетінде картоп пен қанттың мөлшеріне шектеу қойылды- деп хабарлайды Opennews.kz ақпарат агенттігі.
"Instagram" әлеуметтік желісіндегі krispi_almaty парақшасында супермаркеттегі сурет жарияланды. Сатып алушылар дүкен тарапынан қойылған бұл шектеуге наразылықтарын білдірді.
"Магнум" супермаркеті неліктен шектеу қойғандарын түсіндірді.
"Арам ойлы кәсіпкерлердің алып-сатуын болдырмау үшін бір адамға 5 келіден беріледі", - деп мәлімдеді дүкен өкілі.
Алматы кәсіпкерлер басқармасы бұл ақпаратты растады.
"Магнум" супермаркеттерінде картоп пен қант сатылымына шектеу қойылғаны рас. Мұндай тәжірибе бұған дейін де қолданылды. Бұл әлеуметтік қажетті өнімдермен халықты теңдей қамтамасыз ету және қолжетімді бағаны ұстап тұру мақсатында жасалады", - деп хабарлады мекеме.
Басқармадағылардың айтуынша, алып-сатарлар таңғы уақытта өнімнің көп бөлігін сатып алып, өз дүкендерінде қымбат бағаға саудалаған.
