Әскерилерге құрастырмалы үй беріледі
411
Әскерилерді баспанамен қамту мәселесіндегі заңға түзетулер енгізілді. Мәжілісте бірауыздан мақұлданған заң енді сенатта қаралады,- деп хабарлайды Opennews.kz ақпарат агенттігі Экспресс К сайтына сілтеме жасап.
Толықтыру бойынша әскерилерге модульдік үйлер беру қарастырылған.
Қорғаныс министрінің орынбасары Дарын Тұяқовтың айтуынша, мұндай баспана жылдам құрастырылады. Әрі отбасы басқа аймаққа ауысқан жағдайда оны бұзып, өзімен алып кете алады.
"Қазақстан аумағы кең, шұғыл орын ауыстыру қажеттілігі бар. Әскерилер отбасымен бірге басқа аймаққа ауысқан жағдайда жинақы түрде көше салады. Модульдік үйлер тез бұзылады, сосын жаңа жерде қайта құрастырылады. Барлық коммуникациясы қамтылған. Қызметтік баспана ретінде берілетін үй 2-3 бөлмелі", — деді Дарын Тұяқов.
