Алматыдағы сақалдылар тәртіпсіздік кезінде «Шаһид», «Аллаһу Акбар!» деп ұрандатқан
402
Елдегі жаппай тәртіпсіздік кезінде Алматы қалалық Полиция департаментіне шабуылдаған күдіктілердің бірі ұсталды,- деп хабарлайды Opennews.kz ақпарат агенттігі "Адырна" ұлттық порталына сілтеме жасап.Бейнежазбадан шабуыл белгілі бір адамдардың басқаруымен жасалғанын көруге болады. Әскери киім киген топ арнайы атыс қаруымен ғимаратты атқылап жатыр. Біреуі тіпті «противогаз» киіп алған.
«Төле бимен келе жатып Брусиловскийге жеткенімде алдымнан топ адам шығып, көлігімді тоқтатып алды. Мемлекеттік нөмірді күштеп шешкізіп, артқа салғызды. «Ешқайда кетпейсің, сенің машинаңмен барамыз!» деді. Алаңға бардым, ол жақта төбелес, атыс болған жоқ. Ол жақтан шыққан соң ДВД-ға (Полиция департаменті – ред.) қарай кетті.
Ол жерге 25-30 адам келді. Бәрі сақалды, бәрі әскери форма киіп алған. Қазақша мүлде сөйлемейді. Өз тілдерінде бірдеңе айтып жатты. «Шаһид», «Аллаһу Акбар!» деп жатты…» дейді ұсталған күдікті.
