Екібастұзда ата-енесі келінін үйден қуып, баласын тартып алған
345
Екібастұзда ата-енесі келінін үйден қуып, оның баласын тартып алған,- деп хабарлайды Opennews.kz ақпарат агенттігі Stan.kz ақпарат агенттігі.
Облыстық полиция департаменті баспасөз қызметінің хабарлауынша, жас әйел полицияға шағым түсірген. Ол 2 жас 8 айлық қызын қайтаруды сұрап, жылап келген. Айтуынша, ол үш айдан бері қызына жете алмай отырған. Қызды бұрынғы ата-енесі алып қалған. Күйеуі басқа отбасыға кеткен соң, ата-енесі оны үйден қуып, баланы алып қалған. Ал құжатта қыздың әкесі атап көрсетілмеген.
Полицейлердің көмегімен жас ана қызымен қауышты.
"Кішкентай қыздың көзінен қуанышты көру – әр полицей үшін үлкен марапат. Ал ана мен баланың көзінен қуаныш пен махаббатты көру – теңдессіз", – дейді Екібастұз ювеналді полициясының аға инспекторы Фатима Ахмечанова.
