Екі айда 264 рет лотореядан ұтқан: Ер адам қандай тәсілдер қолданғанын айтты
312
Американың Вирджиния штаты Шарлоттсвилл қаласының тұрғыны Джелен Тейлор өзінің интуициясына сеніп, екі айдың ішінде лотореядан 264 рет ұтып, 132 мың долларға байыған,- деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.
Лоторея өкілдерінің айтуынша Джелен 104 билетте үш санның бірдей комбинациясын қолданып, әр ойыннан 500 доллардан ұтып отырған. Ер адам бұл ойыннан 52 мың доллар джекпот жеңіп алды.
Келесі ойында дәл осы тәсілмен 160 билетте басқа үш таңбалы санның комбинациясы арқылы 500 доллардан жинап, барлығы 80 мың доллардай олжаға кенелген. Жалпы санағанда ұтыс ойынынан 132 мың долларды қанжығасына байлаған.
“Менде ерекше сезім болды. Сондай кезде жай ғана ойнау керек”,-деді Джелен Тейлор.
Ол ұтқан қаражатын инвестициялауды жоспарлауда.
