500 тонна жарылғыш затпен Бектау-Ата шатқалының быт-шытын шығармақ
528
Бектау-Ата ата шатқалына қауіп төніп тұр,- деп хабарлайды Opennews.kz ақпарат агенттігі Turkystan.kz сайтына сілтеме жасап.Өйткені алматылық «Дәнекер-Жол» ЖШС 2022-2023 жылдары жол құрылысы үшін тау сілемінен 1,5 миллион тонна тас алуға 500 тоннадан астам жарылғыш заттарды қолдануды жоспарлаған. Соның салдарынан ауданы 8 гектардан асатын карьер қалады екен.
Айта кетсек, Бектау-Ата Балқаш қаласынан солтүстікке қарай 70 шақырым жерде, Қарағанды облысының Ақтоғай ауданында орналасқан. Ал тасты Бектау-Ата мемлекеттік табиғи зоологиялық қорығына жақын жерде өндіру жоспарланыпты. Бұл оның экожүйелеріне және туристік тартымдылығына орасан зиян келтірмек.
