Қордай тұрғыны Болат Назарбаевқа жылқысын сыйлаудан бас тартқан соң, 14 жылға сотталған
681
Қордай ауылының тұрғыны Есбол Жапбасов Болат Назарбаевқа тұлпарын сыйлаудан бас тартқан соң, заңсыз қару сақтады және басқа да қылмыстар жасады деп айыпталған,- деп хабарлайды Opennews.kz ақпарат агенттігі Stan.kz ақпарат агенттігі.
Бұл туралы жәбірленушінің туысы Әділхан Шынтасов сәрсенбі күні болған баспасөз конференциясында айтты.
"Елімізге танымал атбегі ұйымдастырған бәйге кезінде біздің туысымыздың жылқысы бірінші келіп, жеңді. Ол тұлпардың аты - Самал. Тағы бір жануар бірінші келіп, ол екі көлік ұтып алды.
Мәре сызығы маңында Талғар ауданының бұрынғы әкімі Жолан Омаров, ал оның жанында Отбасы мүшесі тұрды. Олар туысымызды шақырып, құттықтады, ақсақал оны құшақтады.
Біздің Есболдың досы болған әкім оны шетке алып шығып: "Тұлпарыңды оған сыйламайсың ба?" - деді.
Есбол ол атты өте жақсы көретін. Ол 21 ғасырдың тұлпары деп танылған.
Қазақстан бойынша онлайн дауыс беру кезінде ол 46 мың дауыс жинап, бірінші орынға шықты. Ол жылқы Есбол үшін қымбат еді, себебі көп қуаныш пен эмоция сыйлады. Ол ұсынысты қабылдамай, кетіп қалды", - деді Шынтасов.
Мәре сызығы маңында Талғар ауданының бұрынғы әкімі Жолан Омаров, ал оның жанында Отбасы мүшесі тұрды. Олар туысымызды шақырып, құттықтады, ақсақал оны құшақтады.
Біздің Есболдың досы болған әкім оны шетке алып шығып: "Тұлпарыңды оған сыйламайсың ба?" - деді.
Есбол ол атты өте жақсы көретін. Ол 21 ғасырдың тұлпары деп танылған.
Қазақстан бойынша онлайн дауыс беру кезінде ол 46 мың дауыс жинап, бірінші орынға шықты. Ол жылқы Есбол үшін қымбат еді, себебі көп қуаныш пен эмоция сыйлады. Ол ұсынысты қабылдамай, кетіп қалды", - деді Шынтасов.
Айтуынша, көп ұзамай Жолан Омаров жылқы иесінің басына іс түсетінін ескерткен.
"Жарыс аяқтала салысымен ол үйге қайтпақшы болған. Сонда Отбасы мүшесінің атынан бір адам келіп, әлгі Жоланның әкесіне үйіне сөйлесуге шақырды. Ол әңгіме жылқы жайында болатынын түсініп, бармады. Біраз уақыттан кейін әлгі Жолан Омаров қайта келіп: "Жылқыны қазір бермесең, өзіңнен көр", - деді. Біз оған көңіл бөлмедік. Сондай үлкен кісі, бұл жылқыны қайтсін дедік. Кейін байқай бастадық. Қордай кішкентай ауыл, бәрі бірден белгілі болады. ҰҚК қызметкерлері келіп, қарапайым тұрғындарды сұрақтың астына алды", - дейді Шынтасов.
Сөзінше, Жапбасов өзінің қарамағындағы қызметкерге 3 мың доллар көлемінде қарыз берген. Әйел ұсақ қылмыс үшін ұсталған ұлын түрмеден босату үшін ақшаны қажет еткен. Алайда құқық қорғау органдары оған сес көрсеткен. Жапбасовты райынан қайтармаса, пара беру ісі бойынша тергеу жүргізіліп, ұлын түрмеге отырғызамыз деп қорқытқан. Ал одан кейін Жапбасов жоғалып кеткен.
“Туысымыздың қудаланып жатқанын бірден түсіндік. Біраз уақыттан кейін ол жоғалып кетті. Оны іздей бастадық. Екі апта бойы таба алмадық. Кейін ҰҚК қызметкері хабарласып, Есболдың жасырын пәтерде екенін, жақында үйге қайтарылатынын айтты. Жіберілуі керек болған күні, құрылысы аяқталмаған үйінің екінші қабатына автомат, ал 18 күн бойы ҰҚК-нің иелігінде болған көлігіне тапанша қойып кеткен. Соның негізінде қамауға алды", - дейді Шынтасов.
Айтуынша, Есбол Жапбасов ешқандай кінәсі болмағанына қарамастан, 4 жылдан бері абақтыда отыр.
Кейін тергеу Есбол Жапбасовтың Қырғызстан парламентінің депутаты Дамирбек Асылбекуулумен бірлесіп қылмыстық топ құрғанын анықтаған. Топ Қытайдан Қазақстан мен Қырғызстанға контрабандалық тауарлар жеткізумен айналысқан.
Дамирбек Асылбекуулу қазақстандық қарулы күштердің арнайы операциясы кезінде 2018 жылдың ақпанында ұсталды. Бас-аяғы 35 адам тұтқынға алынған еді.
Бұл іс бойынша сот 2018 жылдың желтоқсанынан 2019 жылдың сәуіріне дейін болды. 12 адам түрлі мерзімге түрмеге жабылды. Олардың ішінде ең ұзақ мерзімге сотталған Есбол Жапбасов болды. Ол 14 жылға бас бостандығынан айырылды.
"Елдің бәрі желдің қайдан ескенін біледі, бірақ барлығы үндемейді. Естімейтіндей кейіп танытады", - дейді Шынтасов.
Журналистер Отбасы мүшесінің атын атауды талап еткен соң ғана Шынтасов: "Болат Назарбаев", - деді.
