Қызылорда полициясының бұрынғы бастығы сотталды

Қызылорда қалалық полициясының бұрынғы бастығы 7 жылға бас бостандығынан айырылды. Қылмыстық іс ашық сот отырысында қаралды,- деп хабарлайды Opennews.kz ақпарат агенттігі №2 қалалық соттың баспасөз қызметіне сілтеме жасап.

Сотта прокурор экс-офицерге 7 жылға бас бостандығынан айыру жазасын тағайындауды сұрады. Ал адвокат оны ақтауды талап етті.

Сот Қызылорда полиция басқармасының бұрынғы басшысын Қылмыстық Кодекстің 366-бабы 3-бөлігінің 1-тармағы бойынша  («Бопсалау арқылы пара алу») қылмыс жасағаны үшін кінәлі деп таныды. Сондай-ақ сот шешіміне сәйкес, ол подполковник атағынан және мемлекеттік қызметте жұмыс істеу мүмкіндігінен айырылды.