Қоғам
223
Батыс Қазақстанда бұралқы иттер бір ауылдың 60 қойын қырып кетті
Батыс Қазақстан облысында бұралқы иттер бір ауладан 60 қойды қырып кетті, - деп хабарлайды Opennews.kz ақпарат агенттігі Stan.kz сайтына сілтеме жасап. Сырым ауданының әкімі Төлеген Төреғалиевтің айтуынша, оқиға аудан орталығы Жымпиты ауылында болған.
Оның сөзіне қарағанда, кеше түнде бұралқы иттер ауыл тұрғыны Батырбек Жұбанғалиевтің қорасына кіріп, 25 қойы мен 23 қозысын өлтірген. Оған қоса, бүгін түнде иттердің тағы 10 бас қойды қырып кеткені анықталды.
"Бүгін қойға шапқан екі қаңғыбас иттің көзі жойылды. Сонымен қатар, тұрғынға қораны ит кірмейтіндей бекіту қажеттігі айтылды. Иттен өлген малға өтемақы қарастырылмаған. Аталған тұрғынға басқалай көмек көрсету жағы қарастырылуда. Жалпы, ауылдарда бұралқы иттердің көбейіп, малға шауып жатқаны рас. Оларды залалсыздандыру бағытында тиісті шаралар жасалады", - деді Т.Төреғалиев.
Еске сала кетейік, бұдан бұрын БҚО-да ит қабу жағдайлары көбейіп кеткенін жазған болатынбыз.
Тағы да оқыңыздар
Экономика
1 576
Биыл елімізде 26 жаңа көкөніс қоймасы ашылмақ
Биыл елімізде жалпы қуаты 104,5 мың тонна болатын 26 жаңа көкөніс қоймасын ашу жоспарланған, деп хабарлайды...
