Алматы облысында бес жастағы баланың мәйіті қоқыстан табылды
208
Алматы облысы Сарқан ауданында бес жастағы баланың мәйіті қоқыстан табылды, - деп хабарлайды Opennews.kz ақпарат агенттігі ҚазАқпаратқа сілтеме жасап.Полицияның ақпаратына сәйкес, баланың мәйіті Сарқан қаласындағы кірпіш шығаратын зауыттың маңындағы қоқыстан табылған. Бала алдын ала болжам бойынша, 4-5 жаста. Бойы - 90-100 см.
Баланың басы шамамен бес метр жерден табылған. Болжам бойынша, ол қыз бала болуы мүмкін. Қазір мүрде мәйітханаға сараптама жасалу үшін жіберілген.
"Баланың өлі денесі қоқыстан табылғанын растаймын. Сарқан аудандық полициясына бала жоғалды деген шағым түспеген. Бұл іспен полиция айналасып жатыр", – деді Сарқан ауданы әкімінің баспасөз қызметі.
