RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Қоғам
1 293

Қызылжармалықтарда су тапшылығы орын алуда ма?

Қызылжарма ауылдық округініде ауызсу тапшылығы белең алуда, - деп хабарлайды Opennews.kz ақпарат агенттігі.

Қызылорда облысында су тапшылығы болуы мүмкін дейді сарапшылар. Жергілікті билік соңғы жылдары Сырдария өзеніндегі су ағынының азаюы өңірдегі экологиялық және әлеуметтік-экономикалық жағдайды айтарлықтай қиындатып жібергенін айтып отыр. Жалпы алғанда, Қызылорда облысы үстіміздегі жылы су тапшылығын едәуір сезініп отырғандай. Олай деуге басты себеп Сабалақ пен Қызылжарма ауылдық округінің тұрғындары ауыз судың саябырсып, кейде мүлдем ақпай қалатындығын алға тартып, дабыл қағуда. 


«Мен Қызылжарма ауылының тұрғынымын. Бірнеше айдың жүзі болды ауылымызда су жоқ. Болғанның өзінде сығырайып ағып тұрады. Еккен бақшалардан дым шықпай жатыр. Аяқсу мен ауызсуға да жарымай отырмыз. Күн болса ыстық, осы мәселе алдыңғы жылдары болмаған. Осы жылы су жетіспеушілігі әбігерге салды», - дейді Аягөз.


Қызылжарма тұрғындарының айтуынша, су тартқыш моторын қосқанда су ағып, басқа күндері тамшылап тұратындығын алға тартуда. Сонымен қатар, күндізгі уақытта тұрмыс тіршілікке қажетті суды тамшылатып жинайтындығын да жасырмады.


«Үйімізде судың ақпай тұрғанына бір ай болды. Алдынғы жылдары мұндай мәселе болмаған еді. Енді түсіне алар емеспіз. Судың ақысын жинап алуды білген мекеме тиісті су ұсынса жақсы болар еді. Әкімдікке барып мәселені көтердік. Алдағы жылы шешімін табады деген болатын»,-дейді Нұргүл Көбек.

Ал, қала халқын ауызсумен толық қамтамасыз етіп отырған «Су жүйесі» МКК-ның мамандарының айтуынша
«Көктемгі-жазғы мезгілінде Қызылжарма округінің тұрғындары күндіз ауызсуды жасыл желектерді суаруларына байланысты көп мөлшерде пайдаланулары орын алуда. Соның салдарынан аталған аумақта орналасқан тұрғын үйлердің ауыз судың қысымына кері әсерін тигізуде.»-деген хабарламада.


Алайда, ауыл Қызылжарма ауылдық округі әкімінің аталмыш мәселеден хабардар екендігін алға тартты. Су тапшылық мәселесін шешу жолдарында қарастырып, тіпті тиісті орындарға ұсыныс хаттарда жіберілген дейді.


 
«Ауылдық округте орын алып отырған мәселеден құлақдармын. Алайда, су мүлдем жоқ емес, бар. Тек судың қысымы аз. Мәселенің шешу жолдары қарастырылып, әкімдік тарапына ұсыныс хат жолданған. Шешімі алдымыздағы жылы тағы да 3 скважин шұңғымасы салынғаннан кейін қалыпқа келеді. Ал, су тапшылығы тамыз айының 10-на дейін болуы ықтимал. Толығымен тамыз айында су берілуі қалыпты жағдайға келетіндігіне сенімдімін.»,- дейді  Сейілов Медет Есдәулетұлы.

Десек те, қызылжармалықтардың әлі күнге дейін шешімін таппаған табиғи газ, электр бағандары мен жүргіншілер  жолы секілді түйіткілі шешілмеген мәселелердің бар екендігін атап өтті. Тіпті ауыл әкімінің айтуынша ауылдағы 36 көшеге ат қою үшін жұмыс жасалып жатқандығы да сөз етілді. Біле білсек, ауыл арасында атаумен емес санмен саналатын көше атаулары да бар екен. 



АЙГЕРІМ РАХЫМЖАНҚЫЗЫ
Фотожурналист ДИНАРА БАУЫРЖАНҚЫЗЫ