Қорғаныс министрі Руслан Жақсылыов мемлекет басшысының парламентке үндеуін жария етті, деп хабарлайды Opennews.kz ақпарат агенттігі Ulysmedia.kz сайтына сілтеме жасап.



Парламенттің бірлескен отырысында министр қазіргі уақытқа дейін Қарулы Күштердің әскери қызметшілері Парламент қаулыларына сәйкес бейбітшілік пен қауіпсіздікті қолдау жөніндегі халықаралық міндеттемені орындау үшін Біріккен Ұлттар Ұйымының бітімгершілік миссияларына жіберіліп отырғанын атап өтті. Оның айтуынша, 2014 жылдан бастап 45 офицер Батыс Сахарадағы, Кот-д’Ивуардағы, Ливандағы миссияға әскери байқаушы және штаб офицері ретінде, 2018 жылдан бастап 520 әскери қызметші бітімгершілік бөлімше құрамында «Ливандағы уақытша күштер» миссиясына қатысқан.

«Қазір Батыс Сахарада 6, «Ливандағы уақытша күштерде» 9 әскери қызметші қызмет өткеруде. Ұйым басшылығы біздің әскери қызметшілердің даярлық деңгейін жоғары бағалап, бітімгерлер санын арттыруда қолдау көрсетуге дайын екенін білдірді. Контингентті бітімгершілік операцияға жіберу жаһандық қауіпсіздікті нығайтуға үлес қосып, Қазақстанның халықаралық аренадағы беделі мен ролін арттыруға ықпал етеді. Өңірде және әлемде болып жатқан соңғы оқиғалар  қауіпсіздікке төнетін сын-қатерді жоққа шығармайды», - деді ол.

«Осы тұрғыда Ұйым Жарғысының жетінші тарауына сәйкес Қарулы Күштердің Орталық Африкада, Конго Демократиялық Республикасында, Малиде бітімгершілік миссияға қатысуын кеңейтуді орынды деп санаймын. Қазақстан штаб офицері, әскери байқаушы ретінде қазіргі уақытта миссияда анағұрлым тапшы болып табылатын жаяу әскер, медициналық, барлау, инженерлік, әскери полиция бөлімшесін бөлуге дайын. Бұл тәжірибе әскеріміздің жауынгерлік даярлығын жетілдіру, оларды одан әрі дамыту бойынша ұсыныс дайындау үшін қолданылатын болады», - деді ол.

• Орталық Африкадағы тұрақтандыру жөніндегі миссияға;
• Конго Демократиялық Республикасындағы тұрақтандыру жөніндегі миссияға;
• Малидегі тұрақтандыру жөніндегі миссияға;
• «Ливандағы уақытша күштер» миссиясына жіберу туралы ұсыныс енгізілді.