Банк карталарын шығаруға шектеу енгізіледі

Қазақстанда банк карталарын шығару ережелеріне өзгерістер енгізіледі. Тиісті қаулы жобасын Қаржы нарығын реттеу және дамыту агенттігі (ҚНРДА) жариялады, - деп хабарлайды Opennews.kz ақпарат агенттігі.

Құжатқа сәйкес, 18-21 жас аралығындағы қазақстандықтарға төлем карталарын онлайн шығаруға немесе қайта шығаруға тыйым салынбақ. Жаңа картаны алу үшін олар банк бөлімшесіне баруы тиіс.

Бұдан бөлек, банктерге 21 жасқа толмаған жастармен қашықтан іскерлік қарым-қатынас орнатуға тыйым салынбақ.