Өзбекстан шекарасынан өте алмай отырған отандастарымыз президенттен көмек сұрады

Үш күннен бері Өзбекстан шекарасынан ел аумағына өте алмай отырған 50-ге жуық отандасымыз президенттен көмек сұрады, -  деп хабарлайды Opennews.kz ақпарат агенттігі. "Лада" басылымына сілтеме жасап.

Қазақстандықтар үш күннен бері Дәуіт ата – Тажен шекарасында күнелтуде.

"Ақшамыз, тамағымыз бен суымыз таусылып барады. Ұйықтайтын жеріміз жоқ. Кімге жүгінерімізді білмейміз. Қазақстан мен Өзбекстан елшілігіне хабарластық, бірақ ешкім көмектесе алмайды", - дейді олар.

Айтуларынша, ыстық пен шаршағанның әсерінен, балалардың дене қызуы көтерілуде. Шарасы таусылғандар президентке бейнеүндеу жолдап, көмектесуін өтінді.