Қызылордалық жігіт өзі жұмыс істейтін дәмханаға ұрлыққа түскен

Қызылордалық жігіт өзі жұмыс істейтін дәмханаға ұрлыққа түскен, – деп хабарлайды Polisia.kz.

Оқиға 10 шілде күні қала орталығында орын алған. Дәмхана иесі түн мезгілінде ұрлық болғанын байқап, Полиция басқармасына хабар берген.
Белгісіз біреу есепшінің бөлмесінде тұрған сейфтен ақша ұрлаған. Жәбірленушіге 700 мың теңгеден астам залал келтірген.

Жүргізілген жедел-іздестіру жұмыстарының нәтижесінде, тәртіп сақшылары ізін суытпай күдіктіні анықтады. Ол сол дәмханада жұмыс істейтін 22 жастағы қала тұрғыны болып шықты.

Қазіргі таңда күдікті уақытша ұстау изоляторына қамалды. Аталған дерек бойынша Қазақстан Республикасы Қылмыстық кодексінің 188-баптың 1-бөлігінің сәйкес, сотқа дейінгі тергеп-тексеру әрекеттері жүргізілуде. Оқиғаның мән-жайы анықталуда.