Қазақстанда құмшекердің орташа бағасы қанша

Жыл басынан бері елімізде әлеуметтік маңызы бар азық-түлік бағасы 17,4 пайызға қымбаттады, деп хабарлайды Ulysmedia.kz.

Ұлттық статистика бюросының дерегінше, өткен аптада және ай басынан бергі кезеңге әлеуметтік маңызы бар азық-түлік тауарларына бағалар 0,2 пайыз, жыл басынан бері кезеңге 17,4 пайызға өсті.

Сонымен қатар бюро 5 шілдедегі жағдай бойынша әлеуметтік маңызы бар азық-түлік тауарларының орташа бағасын ұсынды. Ресми дерекке сәйкес, елімізде бірінші сұрыпты ұнның 1 келісі 220 теңге тұрады. Бірақ, елордада қымбат – 264 теңге. Қазақстан бойынша құмшекердің орташа бағасы 1 келісіне 519 теңге болса, бірінші сұрыпты ұннан пісірілген нан - 188, қарақұмықтың 1 келісі – 501, сары майдың 1 келісі – 3 256, 1 литр күнбағыс майы - 824, сиыр етінің (жауырын-төс бөлігі) 1 келісі – 2 200, тауық етінің 1 келісі – 1 138, пастерленген сүттің 1 литрі – 307, картоптың келісі – 183, сәбіз – 206, 10 дана жұмыртқа 369 теңгені құрайды.
2022 жылдың маусымында 2021 жылдың маусымымен салыстырғанда инфляция 14,5 пайыз болды.