RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Қоғам
72

«Мемлекеттік бағдарламамен үй алып беремін» Шымкентте тұрғынды алдаған алаяқ ұсталды

Жәбірленушінің айтуынша, белгісіз азаматша “ Шымкент, Нұр-Сұлтан, Түркістан қалаларынан жағдайы төмен отбасыларға пәтер алып беремін” – деп сеніміне кіріп, 7 000 000 теңге ақшасын алып, қайтармай қойған, - деп хабарлайды  «Opennews.kz» ақпарат агенттігі. 


Шымкенттік тәжірибиелі полицейлер қылмысты дер кезінде ашып, алаяқты ұстауға бағытталған жедел-іздестіру жұмыстарын атқарды. Нәтижесінде, бұл жайтқа қатысы бар жергілікті тұрғын әйел болып шықты.

Белгілі болғандай жас келіншек оңай жолмен ақша табу мақсатында, дәл осындай жолмен бірнеше тұрғынды алдап келген. Күдіктінің жалпы 4 жайт алаяқтық қылмысына қатысы бары анықталды. Жәбірленушілерге келтірілген шығын көлемі 14 миллион 500 мың теңгені құрады. Қазіргі таңда алаяққа қатысты сотқа дейінгі тергеп тексеру амалдары жүргізілуде.

Өз кезегінде Шымкент қаласының полицейлері кез-келген жанға сенбеуді, алаяқтың арбауына түсіп қалмауды ескертеді. Егер де, сіз, алаяқтың құрбаны немесе куәсі болсаңыз, “102” телефонына хабарласыңыз.