RUB (+0.09) 7.86 KZT
USD (-0.38) 476.2 KZT
EUR (+1.80) 484.72 KZT
Қоғам
112

Оралдағы жантүршігерлік жол апатынан 8 адам қаза тапты (ФОТО)

Оқиға 18 шілде күні сағат 02:45-те Орал қаласындағы айналма тас жолда, «VenOil» жанармай құю бекетіне қарама-қарсы жерде болды деп хабарлады turkystan.kz «Мой город» порталына сілтеме жасап.

Орал қалалық жергілікті полиция қызметі бөлім бастығының орынбасары Константин Недопекиннің оқиға орнында хабарлауынша, Nissan (көлікте тек жүргізуші болған) және Lada (салонда бес ересек адам және екі бала болған) көліктері соқтығысқан.




«Басып озу кезінде Nissan жүргізушісі қарсы жолаққа шығып кетіп, Lada көлігімен соқтығысқан. Оқиға салдарынан бес адам оқиға орнында көз жұмды, тағы үшеуі ауруханаға жатқызылды»,  деді капитан Недопекин.

Кейін есін жимай, Nissan жүргізушісі мен 10 және 13 жастағы екі бала ауруханада қайтыс болғаны белгілі болды. Оқиға орнында полиция қызметкерлері жол-көлік оқиғасының себептері мен мән-жайын анықтап, тергеу жүргізіп жатыр.