Қоғам белсендісі, журналист Серік Хасенов желідегі жазбасында Тоқаевтың қажылыққа барғанын құптамайтынын айтты, деп хабарлайды Opennews.kz ақпарат агентігі  Адырна сайтына сілтеме жасап.

"Қажылық - басшы үшін халқымен бірге жүріп өткен жолы" деп жазды ол өз сөзінде.

"Бізді өзге ұлыстан қасиет пен жоғарғы күш іздеген басшы жақсылыққа апармайды.
Оның діні - өз халқы болуы керек. Өйткені дін - сенім. Өз халқына сенбеген басшыдан не күтуге болады...
Құран - Отаныңның Конституциясы...
Қағба - сенің қара тасың. Қанша адам шын ниетпен келсе, соншалықты мәнің ашылады.
Мінәжәт - халқыңа істеген жақсылығың.
Күнә - халқыңа істеген қиянатың.
Сауап - халқыңа істеген жақсылығың.
Жұмақ - басшылықтан кеткеннен кейін халқыңның арасында емен-жарқын жүре алуың.
Тозақ - халқың түгіл өз еліңде емделе алмай сыртқа қашуың. Қария болып көшеде бір балаға жүзің жарқын күліп амандаса алмауың.
Мүңкір мен Нәңкір - келер ұрпақ. Сұрақтың астына алатыны сөзсіз...
Жебірейіл - сенің кеңесшілерің, командаң. Олардың кеңесі сенің аузыңмен халқыңа жетеді.
Әзірейіл - сенің халқың. Істеріңе байланысты саясида, тұлғалықта өлімің осылардың қолында.
Микаил - тәуелсіз сот. Бұлар басшыға сатылған күні мейірімділік пен әділдік қоғамнан жоғалады.
Исраил - бұл БАҚ. Мәңгілік Ел осылардың "сырнайына" тікелей тәуелді...
Басшыға басқа дін керек емес. Оның діні халқы болуы керек..."\