Әзербайжан тарапының мәлімдеуінше, ұрыс танылмаған Таулы Карабақ республикасы күштерінің Әзербайжан жасақтары бекінісін атқылауынан басталған. Шабуылдан бір сарбаз қаза тапты. Әзербайжан тарапы қарымта жауап ретінде, қарсы жақтың 2 жауынгерін мерт қылып, 14-ін жаралаған. Бірқатар жотаны бақылауына алғанын айтады. Танылмаған Таулы Карабақ республикасы жартылай мобилизациялау жариялады.

Еске сала кетейік, 2020 жылы қыркүйек айында Таулы Карабақта жағдай қайта шиеленісіп, екі ел арасында соғыс болған еді. Әскери қимылдар қараша айында Армения, Әзербайжан және Ресейдің үш жақты келісімге қол қоюымен аяқталып, Баку, Шуша қаласы мен тағы бірнеше ауданды қайтарып алды.