Сіріңкемен ойнаған 7 жасар қыз өртеніп кетті
408
Батыс Қазақстан облысында сіріңкемен ойнап жүрген 7 жасар қызды күйік шалды, деп хабарлайды Экспресс К облыстық Төтенше жағдайлар департаментіне сілтеме жасап.
Оқиға 8 тамыз күні сағат 13.00-де Теректі ауданы Долинный ауылында болған.Ауласында сіріңкемен ойнап жүрген 2015 жылғы қыздың киімдері өртеніп кеткен. Оқиға салдарынан 2-3-дәрежелі термиялық күйік алған қыз Оралдағы қалалық көпбейінді ауруханаға жатқызылды,— делінген хабарламада.
Облыстық денсаулық сақтау басқармасының мәліметінше, қыздың денесін 22 пайыз күйік шалған. Жағдайы ауыр, жансақтау бөлімінде жатыр.
