RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Қоғам
54

Сарапшылар күзден бастап елде тұрғын үй бағасы төмендейді дейді

Еліміздегі жылжымайтын мүлік сату орталықтарының мамамандары тұрғын үй бағасы алдағы күзден бастап төмендейді, деп хабарлайды Opennews.kz ақпарат агенттігі 31-арнаның “Информбюро” бағдарламасына сілтеме жасап. 

Олардың мәліметінше, жер үйлердің құны қазірдің өзінде арзандай бастаған. Соған қарамастан сатып алушы жоқ. Дегенмен жылжымайтын мүлік нарығының сарапшылары бұл пікірді жоққа шығарады. Айтуларынша, жаңа тұрғын үй кешендеріндегі пәтер құны шарықтамаса, кері кетпейді. Баға саясатына құрылыс материалдарының қымбаттауы себеп екен. Жылжымайтын мүлікті сату орталығының директоры Нұрлан Досымбеков биыл күзде тұрғын үй нарығында тоқырау байқалады дейді. Себебі жыл басындағы қаңтар оқиғасы, одан кейінгі санкциялар, инфляция сияқты экономиканы кері тартқан жағдайлар жалпы сауда-саттықты тежеп тастады. Соның салдарынан кез-келген санаттағы тұрғын үйлердің нарқы төмендеп кеткен. 

Қазір жер үйлердің өздерін сату қиын боп тұр. Сол себептен қазір меншік иелерінің көпшілігі бізге хабарласып, бағаларын түсірткізіп жатыр. 15-20%, кейбіреулері 30%-ға дейін түсіріп отыр”, – деді жылжымайтын мүлікті сату орталығының директоры Нұрлан Досымбеков. 

Пәтерлердің де бағасында біршама төмендеу байқалады дейді. Сала мамандарының айтуынша, екінші деңгейлі көп қабатты үйлердің құны тек 5%-ға ғана арзандаған. Ал бұған дейін бағасы аспандап кеткен су жаңа тұрғын үй кешендерінің биыл күйі болмай тұр дейді орталық өкілдері.  

"Үш жылдан бері қоныстана алмай жүрміз": Ақтөбеде мемлекеттік бағдарламамен салынған үйдің құрылысы аяқталмай қалған
Елордалықтар ірі құрылыс компаниясын зәулім ғимараттың орнына мектеп салуға мәжбүрледі
“Өзіндіке құны деген бар. Одан бөлек, табыс болмаса, ешкім жұмыс істемейді ғой. Сол себептен құрылыс материалы қымбат болып келеді. Ол соңғы бағасына да әсер етеді. Қазір, мысалы үшін, бізге көп шердігерлер хабарласып, шаршы метрін 450 мыңнан, кейін 350 мыңнан сатып беріңдерші дейді
”, – деп қосты Нұрлан Досымбеков.

Жылжымайтын мүлік нарығының сарапшылары биыл күзде бағаның ауытқуы айтарлықтай болмайды деп болжайды. Өйткені жиын-терім науқанынан пайдаға кенелген жұрт жылжымайтын мүлікті меншіктеп алуға асығады. Сондықтан сауда-саттық жасалады деген пікірде.

Жаңа үйлердің өзгеру дәлізі біздің ойымызша -0,5 пайыздан +0,5 пайызға дейін өзгеретін түрі бар. Ал егер қолданыстағы бар үйлерді алатын болсақ, олар біздің ойымызша бірқалыпты. 0-де тұруы немесе кішкене жоғарылауы мүмкін”, – деп мәлімдеді жылжымайтын мүлік нарығының сарапшысы Мақсат Егісбаев. 

Дегенмен кей сарапшылар құрылыс материалдарының анағұрлым қымбаттауы мен инфляцияның өсуі жаңа пәтерлердің құнын одан әрі шарықтататынына сенімді. Ал баспанасыз жүрген жандар банк арқылы қарызға белшеден батса да, басыбайлы өз меншігін қамдап қалары сөзсіз деп отыр.