Өзбекстанға сатамыз, Уругвайдан аламыз: Қазақстанның еті қайда кетіп жатыр

Қаңтар мен шілде аралығында ЕАЭО одағына кірмейтін елдерге 9,3 мың тонна ірі қара малдың еті экспортталған. LSM.kz сайтының жазуынша, сиыр етінің бір бөлігі, яғни, 9,27 мың тонна өнім 

Өзбекстанға кеткен. 32,5 тонна етті Біріккен Араб Әмірліктері сатып алған. Осылайша, сиыр етінің экспорты 3,5 есе өскен.

Сондай-ақ, Өзбекстанға 3 мың тоннадан астам қой және ешкі еті экспортталған (өсім 10,5 есе). Біріккен Араб Әмірліктеріне 921 тонна қой мен ешкі еті сатылған. Бұл санаттағы экспорт көлемі 5,7 есеге артқан.

Солай бола тұра, яғни, ет экспортын аттырған Қазақстанның өзі етті шет елден алып отыр. Украина, Параквай, Индия мен Бразилиядан 559 тонна сиыр еті елге кірген.

Жылқы етінің импорты да таң қалдырып отыр. Елге келген 1,4 мың тонна жылқы етінің 570-і Уругвайдан келген өнім болып шықты. Тағы 454 тонна ет Моңғолиядан, 383,5 тонна өнім Аргентинадан алынған. Айта кетерлігі, бұл көрсеткіштің ішінде жылқы еті ғана емес, есек, қашыр, тайындардың майы да бар.