RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Қоғам
63

Депутаттар 1 желтоқсан – Тұңғыш Президент күнін мерекелер қатарынан алып тастауды ұсынды

Депутаттар «Қазақстан Республикасындағы мерекелер туралы» Заңға мынадай түзетулер енгізуді ұсынды, деп хабарлайды Ulysmedia.kz.

Мәжіліс депутаттары «Қазақстан Республикасының кейбір заңнамалық актілеріне кинематография және мәдениет мәселелері бойынша өзгерістер мен толықтырулар енгізу туралы» заңының жобасы аясында аталған ұсынысты енгізген. Аталған заң жобасын Мәжілістің бүгінгі отырысында Мәдениет және спорт министрі Дәурен Абаев қорғайды. Мәжіліс депутаттарының ұсынысына сәйкес:

- 25 қазанды Ұлттық мереке – Республика күні ретінде айқындау;

- 16 желтоқсан – Тәуелсіздік күнін мемлекеттік мереке ретінде белгілеу.

Бұдан басқа, 1 желтоқсан – Тұңғыш Президент күнін мерекелеуді Мемлекеттік рәміздер күні, Алғыс айту күні және қоғамдық маңызы жоғары әлеуеті бар өзге де күндер сияқты, оны мемлекеттік мерекелер қатарынан алып тастау арқылы айқындау ұсынылады.