Қаз
Рус
Батыс Қазақстанда тоңазытқыштың ішінен 5 жасар баланың денесі табылды
280
Батыс Қазақстан облысында тоңазытқыштың ішінен 5 жасар баланың денесі табылды, - деп хабарлайды Opennews.kz ақпарат агенттігі Polisia.kz сайтына сілтеме жасап.
Қайғылы оқиға 8 тамызда Бәйтерек ауданындағы жеке үйдің ауласында болған. «Мир» маркалы тоңазытқыштан 5 жастағы баланың денесін анасы тапқан.
Әйелдің айтуынша, үш баласы көшеде ойнап жүрген. Бірақ кешке үйге екеуі ғана оралған. Мұны білген әйел бір сағат бойы аудан бойынша кіші ұлын іздеген. Кейін үйінің ауласына кіріп, ескі жұмыс істемейтін тоңазытқыштың ішінен бүлдіршіннің денесін тапқан. Анасы жедел жәрдем шақырды. Дәрігерлер оқиға орнына жеткенде баланың өлімін тіркеді.
«Тоңазытқышта есіктің металл тұтқасында орналасқан автоматты құлыптау жүйесі бар. Егер сіз есікті итерсеңіз, құлып жабылып қалады. Тоңазытқыштың сыртындағы тұтқаны тартпай, тоңазытқышты ішінен ашу мүмкін емес», – деді Полиция департаментінің өкілі Дариға Мәжитова.
