Сотталған: « Қызым құлағыма қатты сағындым әке деп сыбырлады »
Қызылордада ҚР қылмыстық кодекстің 188-1-бабымен сотталған ( мал ұрлау) 34 жастағы азамат отбасымен кездесті, - деп хабарлайды Opennews.kz ақпарат агенттігі
Кездесуге анасы мен екі баласы келді. Анасының айтуы бойынша, әйелі жетінші перзентін дүниеге әкеліп, перзентханада жатыр екен.
Сондықтан әйелі емес, анасы келген. Балаларын әбден сағынған әке оларды кезек-кезек құшағына қысып, көз жасын көпке дейін тия алмады.Жүрегі сағынышқа толы көп балалы әке алдымен бес жастағы қызын баурына құшты. Сонан соң, ұлын сүйіп, анасымен амандасты.
Бұдан үш жыл бұрын сотталып жатқанда қызым небәрі екі жасқа да толмаған, енді талпынып жүретін болатын. Бүгін міне, бойы өсіп, ес тоқтатып қалыпты.Құлағыма сыбырлап, «Әке, сізді қатты сағындым»" , - дейді.
Еріксіз көзіме жас келді. Өзімнің жасаған қылмысыма өкіндім. Балаларымның мені сағынып, мұнда келгені де жаныма батты.
Бір өкініш, бір қуанышы аралас өмірғой бұл. Бүгін әйелім, жетінші баламызды дүниеге әкеліп, перзентханаға түсіпті.Ұл босаныпты.
Ұзақ мерзімді кездесу мен төртінші ұлымның туылғаны қатар келіп, кеудемді қуаныш кернеп тұр.
Анамның дайындап әкелген тіл үйірер тамағын жеп, ауылдағы ағайын- туыстың әңгімесін сұрап білемін .
Ұлым мен қызымның бал қылықтарын тамшалап, екі күн баурыма алып жатамын - деген ойымен бөлісті сотталған.
Өйткені, балалары олардың болашағы. Балаларын көріп, бостандыққа шығуға деген талпыныстары артып, жақсы мінез - құлықта жүреді.
Сол себепті, де біз сотталғандарды өмірге қайта тәрбиелеу мақсатында, туысқандармен байланысын үзбей отырамыз" ,– дейді, АКАӘПТЖБ- нің бастығы , әділет капитаны А.Тұрманов.
