Қырғызстанда педофилдерге өлім жазасын тағайындау ұсынылды

Қырғызстан парламентінде педофилдердің жазасын қатаңдатып, өлім жазасына кесу мәселесі көтерілді, - деп хабарлайды "Opennews.kz" ақпарат агенттігі “Азаттық Радиосына” сілтеме бере отырып.

Қырғыз депутаттары балаларға қатысты зорлық-зомбылықпен күресу шараларын қатаңдатуды ұсынды. 
“Жаза жасаған қылмысқа сай болу керек.  Адамгершілікті ту етеміз деген сылтаумен өлім жазасын алып тастадық. Бірақ мұндай адамгершіліктің салдарын көріп отырмыз. Өлімнен басқа ештеңеден қорықпайтын адамдар бар. Әсіресе, сыбайлас жемқорлық деңгейі жоғары елде қылмыскерлер жазадан қорықпайды – олар 15 жылға сотталады, бірақ 3 жылдан кейін бостандықта жүруі мүмкін. Түрме адамды түзетпейді, өлім жазасын енгізуден басқа шара жоқ", – деді депутат Нұржігіт Қадырбеков отырыста.