Мәһірге миксер сұраған қалыңдық жұртты күлдірді
239
Мешітте некесін қидырып жатқан қалыңдық күйеу жігіттен мәһірге ас үйге керек затын сұрайды, деп хабарлайды Opennews.kz ақпарат агенттігі.
Екі жастың видеосы әлеуметтік желісінде пайда болды. Онда ақ көйлек киген қалыңдық имамның сұрағына жауап беріп жатыр. Ол "мәһірге не сұрайсың" деген имамға "миксер алып берсін" деп жауап береді. Оның жауабына мешітке келген екі жастың достары мен жақындары күліп жатыр.
Ал желі қолданушылары екі жасқа бақыт тілеп, түрлі пікір жазып жатыр.
"Сұрағаны термомиксер шығар, ол қымбат тұрады", "Қыз ақылды екен, күйеуінің жағдайына қарап отыр ғой", "Өз басым үйленгенде ешнәрсе сұраған жоқпын", "Мәһір деген қазір сәнге айналды ғой. Соның не керекгі бар?!", "Өзіміз сұрамасақ та, құдайға шүкір, бақыттымыз", "Жаным-ау, сәл бағалы зат сұрасаң нетті?", — деп жазды желі қолданушылары.
