Қаз
Рус
Қазақстанда «сән-салтанат» салығы 2024 жылдан бастап салынады
621
Қаржы министрі Ерұлан Жамаубаев Қазақстанда сән-салтанат салығын енгізу мерзімін атады,- деп хабарлайды Opennews.kz ақпарат агенттігі.
Қаржы министрлігі басшысының айтуынша, сән-салтанат салығы жаңа Салық кодексіне енгізіледі.
«2024 жылдың 1 қаңтарынан бастап жаңа салық кодексі болады. Біз оны сол жерге енгіземіз. Нұсқаулық әзірлеу керек. Оны 2023 жылдың қыркүйегіне дейін пысықтап, содан кейін Мәжіліске енгізуіміз керек. Соған сенеміз. Заң 2023 жылы қабылданып, 2024 жылдың басынан бастап күшіне енеді», - деді ол журналистерге мәжіліс алаңында.
«Сән-салтанат» деп аталатын салықты енгізу мүмкіндігін қарастыру қажеттігін президент Қасым-Жомарт Тоқаев 1 қыркүйектегі Жолдауында айтқан еді. Оның айтуынша, тұрақты экономикалық өсім нақты және болжамды салық саясатына тікелей байланысты, сондықтан 2023 жылы жаңа Салық кодексі дайындалады.
