Сырдария ауданы – үздік үштік құрамында

Бірнеше күнге созылған ауыл спортшыларының облыстық «Алтын күз» спартакиадасы өз мәресіне жетті, - деп хабарлайды "Opennews.kz" ақпарат агенттігі.

Жалпы командалық есепте Сырдария ауданы үздік үштікті қорытындылап, үшінші орынға табан тіреді.

Дәстүрлі ХХХVІІ облыстық спарта­киаданың қорытынды рәсімі аудандық мәдениет үйінде өтті. Ауқымды іс-шараға облыстық денешынықтыру, спорт және туризм басқарма басшысының орынбасары Жігер Айекешов, аудан әкімінің орынбасары Димаш Байдушев қатысып, жеңімпаз командаларды марапаттады.

Өз кезегінде жеңімпаз командалар мен үздіктер марапат төрінен көрінді. Жалпыесептік қорытынды бойын­ша І орынды Шиелі ауданы жеңіп алды. ІІ орын Жаңақорған ауданына бұйырды. Ал жүлделі ІІІ орынды Сырдария ауданының спортшылары қанжығалады.

Спорт — физикалық белсенділік, бәсекелестік, және ойын элементтерін қамтитын қызмет. Спорттың түрлі түрлері мен форматтары бар, және олар мәдениет, қоғам, және жеке дамуға үлкен әсер етеді.

Спортшылар облыстық спартакиадада спорттың 16 түрінен бақ сынады. Оның ішінде баскетбол, волейбол, шағын футбол, қазақ күресі, бес асық, асық ату, тоғызқұмалақ, шахмат, көкпар, гір спорты, қол күрес, үстел теннисі, президент көпсайысы, қол добы, аударыспақ, теңге ілу, көрмеге тартылу спорт түрлері бойынша бақ сынады. Аудан спортшыларының жекелей спорт түрлерінен де көрсеткіші жақсы болды. Облыстық спартакиадаға облысқа қарасты жеті ауданнан 1000-ға тарта спортшы қатысты.

Айта кетейік, келесі жылы облыстық спартакиада алауы Жалағаш ауданында жағылатын болады. Салтанатты жиында аудан спортшылары спартакиада жа­лауын Жалағаш ауданының спортшыларына табыстады.

Ауыл жастарының спортқа деген қызығушылығын арттыру, оларға спорттық өмір салтын ұсыну, сондай-ақ ауылдар арасындағы достық қарым-қатынасты нығайту  бұл жарыстың басты мақсаты. Жастар арасындағы бәсекелестік өзара ынтымақтастық пен спорттық рухтың жоғары деңгейде болғаны байқалды.

Спорттың осындай артықшылықтары оның адамның жалпы денсаулығына, өмір сапасына, және психологиялық жай-күйіне теріс әсер ету мүмкіндіктерін төмендетеді. Спортпен шұғылдану — бұл денсаулықты сақтау мен нығайту үшін тиімді құрал!