Назым Қызайбай мен Төрехан Сабырхан ел чемпионатының ең үздік боксшысы атанды

Париж олимпиадасының қола жүлдегері Назым Қызайбай мен Төрехан Сабырхан Қазақстан чемпионатының жеңімпазы атанып қана қоймай, жарыстың үздік боксшысы болды, - деп хабарлайды "Opennews.kz" ақпарат агенттігі.

Бокстан жастар арасындағы Қазақстан құрамасының капитаны Төрехан Сабырхан мен Париж олимпиадасының қола жүлдегері Назым Қызайбай ел чемпионатының үздік боксшысы атанды. Төрехан 67 келі салмақта қарсылас шақ келтірмей, 18 жасында ересектер арасындағы алғашқы жарысында топ жарды. Ал Назым 48 келі салмақта жұдырықтасып, барлық қарсыласының мысын басып, ел чемпионатының жеңімпазы атанды. Осылайша, Төрехан мен Назым ел біріншілігінің жеңімпазы мен үздік боксшылары атағына ие болды.