Тележурналист Диля Ибрагимова өмірден өтті
2 510
Тележурналист, «Хабар» және КТК арналарында спорт жаңалықтарын жүргізген Диля Ибрагимова 48 жасында сырқаттан қайтыс болды,-деп хабарлайды Opennews.kz ақпарат агенттігі.
Мәдениет және ақпарат министрлігі марқұмның туған-туыстарына көңіл айтып, оның отандық спорт журналистикасының дамуына қосқан зор үлесін атап өтті.
Тамыз айында Ибрагимованың жағдайы күрт нашарлап, ол көпшіліктен көмек сұрап жазба жариялаған. Кейін оған прогрессивті көпошақты лейкоэнцефалопатия диагнозы қойылды. Ұзаққа созылған емдеу, қиындықтар мен стресстер оның денсаулығына кері әсерін берді. Сонымен қатар, журналист соңғы жылдары ұлының аутизмге байланысты күтімімен де күресіп жүрген.
Диля Ибрагимованың жарқын бейнесі мен кәсіби мұрасы ел жадында сақталмақ.
