Азия чемпионатында Жәмила Бақбергенова бастаған балуандар ел намысын қорғайды

27 наурыз 2025, 12:34

2 653

Иордания астанасы Амман қаласында Азия чемпионатында бүгін әйелдер күресінен бәсеке басталады. - деп хабарлайды "Opennews.kz" ақпарат агенттігі.

Спортты дамыту дирекциясынан мәлім еткеніндей, аталмыш додада жеребе нәтижесінде қазақстандық балуандардың қарсыластары анықталды.

50 кг: ширек финал: Светлана Анкичева - Ю Лин (Қытайдың Тайпейі) немесе Ти Донг (Вьетнам).

53 кг, іріктеу: Зейнеп Баянова - Сон Ён Парк (Оңтүстік Корея).

55 кг, ширек финал: Зүлфия Яхьярова - Отгонтуя Маянмух (Моңғолия) немесе Ёрим Ли (Оңтүстік Корея).

57 кг, іріктеу: Нилуфар Раимова - Неха Шарма (Үндістан).

59 кг, ширек финал: Гүлдана Бекеш - Сарбиназ Жиенбаева (Өзбекстан) немесе Пиол Хон (Солтүстік Корея).

62 кг, іріктеу: Тыныс Дүбек - Маниша (Үндістан).

65 кг, іріктеу: Гауһар Мұқатай - Дю Тон Лаи (Вьетнам).

68 кг, ширек финал: Ирина Казюлина - Зелу Ли (Қытай).

72 кг, ширек финал: Жәмила Бақбергенова - Сехи Ким (Оңтүстік Корея).

76 кг, ширек финал: Эльмира Сыздықова - Ми Янг Ким (Солтүстік Корея).

Өткен жылы Бішкекте өткен сары құрлық чемпионатында Қайрат Сағадиев баптайтын команда 4 қола жүлдеге қол жеткізген еді. Медаль алғандар: Лаура Алмағанбетова, Диана Каюмова, Анастасия Панасович, Эльмира Сыздықова.