Ел қоржынына алтын әкелген Шұғыла Өмірбек марапатталды
1 518
Әйелдер күресінен ел қоржынына алтын салған Шұғыла Өмірбек марапат төрінен көрінді ,- деп хабарлайды Opennews.kz ақпараттық агенттігі.
Сербияның Нови-Сад қаласында өткен 23 жасқа дейінгі әлем чемпионатында 55 келі салмақ дәрежесінде Түркия өкілі Туба Демирді 12:8 есебімен жеңген спортшы ұзақ үзілістен кейін елімізге алтын жүлде тарту етті.
Осыған орай, Түркістан облысының әкімі Нұралхан Көшеров тарапынан Шұғылаға алғыс хат пен автокөліктің кілті тапсырылып, бапкері Нұржігіт Ерімбетовке де сый-сияпат көрсетілді. Спортшы келесі басты мақсаты – 2028 жылғы Лос-Анджелес Олимпиадасында жеңіске жету екенін айтты.
