Қазақстандық үш спортшы 1000 метрге жүгіруден жеке рекордын орнатты

Солт-Лейк-Ситиде (АҚШ) конькимен жүгіруден Әлем кубогы кезеңінің ерлер арасында 1000 метрге жарыстың В дивизионы өтті,- деп хабарлайды Opennews.kz  ақпарат агенттігі Prosports.kz сайтына сілтеме жасап.

Бұл жарыста қазақстандық төрт спортшы сынға түсті. Иван Аржанников 1:07.820 уақытымен 10-орын алды, ол жеке рекордын жаңартты. Ал Денис Кузин (1:08.301) 16-орын иеленді. 
Александр Клещенко (1:08.403) мен Дмитрий Морозов  (1:08.657) та жеке рекордын жаңартып, тиісінше, 19 және 25-орын алды.