Талғат Сарымбетов Қазақстан чемпионы атанды

Оралда бокстан ерлер арасында Қазақстан чемпионатының финалдық жекпе-жектері өтіп жатыр,- деп хабарлайды Opennews.kz ақпарат агенттігі Prosports.kz сайтына сілтеме жасап.

54 келіге дейінгі салмақта Қарағанды облысының спортшысы Талғат Сарымбетов топ жарды. Ол финалда атыраулық Олжас Байниязовты жеңді.

Бұл салмақта Дәулет Молдашев (Шығыс Қазақстан облысы) пен Нұрсұлтан Алтынбек (Қызылорда облысы) ел чемпионатының қола жүлдегерлері атанды.