Азия чемпиондарына 1 млн теңгеден берілді
610

Шымкент қалалық дене шынықтыру және спорт басқармасының басшысы мен қалалық күрес федерациясының президенті грек-рим күресінен Азия чемпиондары Мейіржан Шермаханбет (67 келіге дейін) мен Әлімхан Сыздықовты (130 келіге дейін) марапаттады.
Спортшыларға 1 млн теңгенің сертификаттары табыс етілді. Палуандардың жаттықтырушылары 300 мың теңге көлемінде сыйақы алды. Күрес түрлерінен Азия чемпионаты Ұланбатыр қаласында (Моңғолия) өтті. Бұған дейін хабарланғандай, грек-рим күресінен Қазақстан құрамасы медальдық есепте бірінші орынды иеленді.
Отандық «классиктер» еншісінде екі алтын, бес күміс және екі қола медаль бар.