RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Спорт
298

Юлия Путинцева Будапешт турнирінің ширек финалына өтті

Әлемнің 32-ракеткасы қазақстандық Юлия Путинцева Будапешт WTA 250 турнирінің ширек финалына шықты, деп хабарлайды  «Opennews.kz» ақпарат агенттігі  ҚТФ баспасөз қызметіне сілтеме жасап.

Қазақстандық теннисші екінші айналымда дүниежүзілік рейтингте 125-орында тұрған бразилиялық Лаура Пегоссимен кездесті. 

Бірінші партияда Юлия 3:0 есебімен алға шыққанымен, қарсыласына есе жіберді - 4:6. Содан кейін ойын тізгінін өз қолына алды - 6:1, 6:2. 

Екі сағат 16 минутқа созылған кездесуде Путинцева 1 эйс жасап, 12 брейк-пойнттың тең жартысын пайдалана білді. 

Путинцева жартылай финалға шығу үшін әлемнің 97-ракеткасы украиналық Леся Цуренкомен кезедеседі.