Головкин үшінші жекпе-жегі өтетін Лас-Вегас қаласына келді
608
Орта салмақтағы әлем чемпионы Геннадий Головкин өз командасымен бірге Лас-Вегасқа келді, - деп хабарлайды Opennews.kz ақпарат агенттігі. «Вегастамыз. Жекпе-жек аптасына дайынбыз», – деп жазды Г.Головкин Facebook-тегі жеке парақшасында.
Айта кетейік, Головкин мен «Канело» арасындағы үшінші жекпе-жек T-Mobile Arena сарайында өтеді. Бұл жекпе-жекте супер орта салмақтағы абсолютті әлем чемпионы атағы бәске тігіледі.
Қазақстан уақыты бойынша кездесу 18 қыркүйек күні таңғы сағат 05.00-де басталады. Басты шешуші айқас шамамен сағат 8:00-де болады. Елімізде тікелей трансляцияны «Qazsport» телеарнасы жүргізеді.
