RUB (-0.04) 7.66 KZT
USD (-0.45) 468.45 KZT
EUR (+3.42) 489.06 KZT
Спорт
275

Әлем чемпионатында Шардара ауылының 28 спортшысы «алтын» еншіледі

Түркияда өткен әлем чемпионатында Шардара ауылының 28 спортшысы «алтын» алды, - деп хабарлайды Opennews.kz ақпарат агенттігі.

Түркияның Анталия қаласында өткен әлем чемпионатында «Шардара Армспорт» клубының спортшылары қарсылас шақ келтірмеді. 54 елден қатысқан атлеттер арасынан 28 спортшымыз Қазақстанға әлем чемпионы болып оралды. Атап айтсақ, жас жеткіншектер арасында – 6, жасөспірімдер арасында – 11, жастар арасында – 3 және ересектер арасында 8 спортшы жеңімпаз атанды. Барлығы – өңірдегі Шардара ауылынан, «Шардара Армспорт» клубының спортшылары. Соңғы жиырма жылда аядай ғана ауылдан 102 әлем чемпионы шыққан.

«Осы жеңісімізді еліміздің Республика күніне арнаймыз. Жаттықтырушымыз Арман Қарсыбаевқа және қолдау көрсетіп отырған барша жанкүйерлерге алғыс айтамыз», - дейді жаттықтырушы Ғани Малбасов.