Беларусьте Қазақстан күндері өтуде
444
28 қарашада Минскіде Қазақстанның мәдениет күндері басталды, - деп хабарлайды Opennews.kz ақпарат агенттігі.Бағдарламаның бірінші күні фильмдер көрсетілді, мерекелік іс-шаралар Құрманғазы атындағы Қазақ ұлттық консерваториясының ректоры Арман Жүдебаевтің домбырадан шеберлік сабағымен, «Тұран» этно-фольклорлық ансамблінің дәріс-концертімен, гала-концертпен, сондай-ақ Қазақстанның қолданбалы өнер көрмесімен жалғасты.
«Біз үнемі кино және көркемөнер көрмелерін өткіземіз, кітапханаларымыз, музейлеріміз бен архивтеріміз жемісті өзара іс-қимыл жасап келеді, бірқатар ЖОО аралық шарттар іске асырылады, әдебиет, кинематография қайраткерлері арасында достық байланыстар сақталады, театрларымыз арасында серіктестік бұдан әрі де дамиды. Беларусьтің шынайы мәдени брендіне айналған «Витебскідегі Славян базары» халықаралық өнер фестивалі көптеген талантты қазақстандық әншілерге үлкен шығармашылық өмірге жолдама берді», - деп атап өтті Дәурен Абаев.
Беларусь жұртшылығы алдында халықаралық фестивальдар мен байқаулардың лауреаттары: Әлішер Кәрімов, Рүхия Байдүкенова, Шынар Ибатова, Мархаба Сайланбек, Шынар Балтина, Жанар Дұғалова және басқалар өнер көрсетті.
Шеберлік-сабақтар аясында домбыра бойынша 7 дана қазақ ұлттық музыкалық аспабы тапсырылды.
