Аида Балаева халықаралық отбасы күнімен құттықтады

15 мамыр 2024, 10:16

2 540

Мәдениет және ақпарат министрі Аида Балаева қазақстандықтарды халықаралық отбасы күні мерекесімен құттықтады, - деп хабарлайды "Opennews.kz" ақпарат агенттігі.

"Құрметті достар, халықаралық отбасы күнін атап өтуде. БҰҰ бас ассамблеясы осыдан 31 жыл бұрын отбасының қоғамдағы рөлі мен маңызын арттыру үшін бұл мерекені белгілеген болатын. Әрине, адам өмірі отбасыдан басталады. Онда оның балалық шағы, тұлға болып қалыптасу жолы өтеді. Сондықтан отбасы махаббат пен құрметтің, ынтымақтың ұясы болып қала берері анық. Ал адам онсыз өмір сүре алмайды. Қзақстан халқы үшін отбасының орны ерекше. Отбасы өмірдің негізгі құндылықтарының, мәдениетінің, сақтаушысы", - деді министр.

Министрдің сөзінше, бәріміз үшін отбасы тұрақтылық пен дамудың негізі.

"Мемлекет басшысы Қасым-Жомарт Кемелұлы мемлекеттік маңызды мәселелерін шешуде отбасы институтының рөлі туралы үнемі айтып келеді. Ана мен баланы қорғау, ұрпақтың рухани дамуы,тұрмыстық зорлық-зомбылықтың, әкенің рөлі секілді қоғамдық мәселелер отбасы тәрбиесіне байланысты екені белгілі", - деп атап өтті.

Министр Қазақстан қазіргі кезде отбасын қорғайтын заңнамалық база қалыптасқан жетекші елдердің бірі екенін атап өтті.

"Былтыр 1 шілдеде күшіне енген Әлеуметтік кодекс әлеуметтік қолдау мәселелерін реттейтін маңызды құжат болып саналады. Енді әлеуметтік қолдау жәрдемақы төлеу ғана емес, азаматтардың өмірлік қиындыққа ұшырауының алдын алуға бағытталған әлеуметтік кодекстің бір жаңашылдығы отбасылық цифрлық картасы. Бүгінде ол отбасылық портрет деп аталады. Онда Қазақстанның 20 млн азаматы немесе 6 млн-нан астам отбасы туралы ақпарат жинақталған. Сондай-ақ Әлеуметтік кодексте балаларды қолдау туралы қосымша шаралары, атап айтсақ, бала күтімі бойынша төлем мерзімін бір жарым жасқа дейін ұзарту көзделген. Еңбек заңнамасы жұмыс істейтін аналар мен әкелдердің құқығы мен міндеттерін реттейді. Онда жүкті әйелдер мен балалы әйелдерді жұмысқа қабылдағанда кепілдіктер беру және жұмыстан шығаруға тыйым салу, 3 жасқа дейінгі балалары бар аналарға жалақысы сақталмайтын қосымша демалыс беру қарастырылған",- деді министр.

Ол жақында Президент әйелдердің құқықтары мен балалардың қауіпсіздігін қамтамасыз ету туралы заңға қол қойғанын айтып өтіп, қазақстандықтарды атаулы мерекемен құттықтады.

"Құрметті достар, мұның бәрі болашақ үшін дамыған әрі өркениетті Қазақстанда өмір сүруге тиіс және өмір сүретін балаларымыз бен немерелеріміз үшін жасалып отар. Бүгінгі халықаралық отбасы күні біз тағы да отбасы құндылығының ерекше маңызына, оның жақсартудағы рөліне назар аударамыз. Сіздерді осы атаулы датамен шын жүректен құттықтай отырып, баршаңызға мықты денсаулық, бақыт пен амандық тілеймін", - деді Аида Балаева.

15-мамырда бүкіл әлем жұртшылығы халықаралық отбасы күнін атап өтеді. 1993 жылдан БҰҰ Бас Ассамблеясының қарарымен бекітілген. Бұл күнді белгілеу әлемдік қауымдастықтың отбасының қазіргі жағдайы мен оның қоғам өміріндегі және өскелең ұрпақ тәрбиесіндегі маңызына алаңдаушылық туғызуына орай жүзеге асып отыр. Адам өмірі отбасынан басталады, азамат болып қалыптасуы да осында өрбиді. Отбасы - сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі. Отбасының аман-саулығы - әрбір елдің дамуы мен келешегінің өлшемі.

Отбасы – табиғат сыйлаған кереметтердің бірі. Жеке адамның бойындағы ар-ұятын, ақыл-ойын ,адамгершілігін , мәдениеттілігін тәрбиелеуде отбасы – алғашқы қадам.Отбасы – өте қажетті, басқадай еш нәрсемен өзгертуге болмайтын баспалдақ.

Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен басталады. Сол себепті де біз отбасын Отанның кішкентай бір бөлшегі ретінде қарастырамыз.

«Отбасы шағын мемлекет» демекші, өз отбасымды, әрине, айрандай ұйыған, тату тәтті, бірлікте өмір сүріп жүрген қарапайым қазақ отбасылардың біріміз. Атам мен әжемнің тоғыз балалары бар. 31 немерелері, 5 шөбересі бар. Мен атамның бірінші ұлының қызымын. Біз бір әкеден алтаумыз. Қара шаңырағымыздың ақылшысы, арқа сүйеріміз – әкем, қамқоршымыз – анам.

«Әке- асқар тау,

Ана- етегіндегі бұлақ,

Бала-жасындағы құрақ» -деп тегін айтылмаған болар. Ата-анасын, аға-сіңлілерін сыйлай білген, жақындарына жақсылық тілеген адам, менің ойымша, болашақта қоғамда да ізгі ниеті арқылы еліне, оның дамуына көп септігін тиетінін күмәнданбаймын.

Әкем 20 жылдан бері мектепте мұғалім болып, анам ауруханада дәрігер болып елге адал қызмет еткен жандар. Мемлекеттік қызмет атқара жүріп, балаларына жақсы тәрбие бере білді. Еркелігімізді, аяқ шалынған .қателескен кездергі қателігімізді түсініп кешіре білгендер кезінде ақыл-кеңесін аямайтын, осы дүниенің тек тәтті тұстарын көрсетуден, жақсылыққа итермелеуден жалықпайтын әке шешеміз.

Отбасы мақтанышы дегенде ең бірінші мақтанышым деп ата-анамды айтар едім. Ата-анам балалары үшін жақсылықтың жаршысы бола білді. «Жақсы әке балаға 40 жыл азық» деген балалары «менің әкем», «менің анам» деп үлгі тұтып, мақтаныш етіп, ата – ана «міне менің балам» деп отырса бұл отбасы мақтанышы болып есептеледі.

Қыз баланың тәрбиесінде ананың рөлі басым болады. Менің анам бізге қыз балаға тән нәзіктікті, ең бірінші «әкелеріңді сыйлаңдар, ренжітпеңдер, «келеріңнің қарғысын алмағдар» деп айтып, әкені сыйлауды, жалпы ер азаматты сыйлауды үйреткен.

Отбасының ең маңызды қызметтерінің бірі – тәрбиелеушілік міндеті, оны қоғамдық тәрбиенің ең тиімді деген жүйесі де алмастыра алмайды. Оның негізгісі – баланы өмірге келтіру ғана емес, сонымен бірге оған әлеуметтік-мәдени ортаның құндылығын қабылдаттыру, үлкен ұрпақтың тәрбиесін жас ұрпаққа жеткізу, бойына сіңірту, яғни балаларын өздерін қоршаған ортаға және қоғамға пайдалы азамат етіп өсіру әке-шешенің ең маңызды міндеті.

Ата-ананың, басқа да отбасы мүшелерінің өмір сүру тәжірибесі, жүріс-тұрысы, өз міндеттерін таза атқару, бір-бірін құрметтеп сыйлауы – бәрі де үлкен мектеп, тәрбиелік мәселе.

Қазақ халқының отбасы тәрбиесіндегі өзіне тән жарасымдылықтын бір ұшы олардың жасы кішісінің үлкеніне «сен» деп сөйлемеуі, алдын кесіп өтпеуі, үлкен тұрып кішінің, әке тұрып ұлдың, шеше тұрып қыздың орынсыз сөйлемеуінде деп есептемейміз. Және қазақ отбасындағы бала тәрбиесін ұл тәрбиесі, қыз тәрбиесі деп жеке- жеке мән беріп қарастыруда оның өзіндік ерекшеліктерінің ішіндегі маңыздысының бірі.

Үлкенді құрметтеу отбасы мүшелерінің бір-бірінің тәрбиесіне жауапкершілік, борыштылық, адамгершілік сезімдерін туғызған.

Ой қорытындысы, «Отбасының жемісі – тәрбиелі ұл мен қызы» деген, мақтан етер ұрпағымыз көбейсын. Ұрпағына мақтаныш болар қазыналы қарттарымыз көп болғай. Қазақтың әр отбасының керегесім кең, шаңырағы берік, еліміз аман, жұртымыз тыныш болсын!