Қаз
Рус
"Патруль" сериалы Польша көрермендеріне жол тартпақ
256
“BAS production” ұжымының мүшесі, сценарист продюсер Марат Оралғазин қазақстандық "Патруль" сериалы Польша көрермендеріне жол тартатынын мәлім етті, деп хабарлайды Opennews.kz ақпарат агенттігі.
“Біздің жазған сценарийді Польша елі сатып алды. Түсірілім басталып кетті. Жуырда Польша көрермендері қазақстандық сериалдың адаптациясын көре алады. Қателеспесем, бұл шетелге франшиза, формат ретінде сатылған алғашқы ТВ өнім!”, – деп жазды Оралғазин желідегі парақшасында.
Сценарист қазақтың туындысы Еуропада бағаланып жатқаны шығармашылық ұжымдар үшін үлкен мотивация екенін атап өтті.
“Еңбек бәрін жеңбек! Бұл әлемдік индустрияда Қазақстан экспансиясың бастамасы ғана деп сенейік!”, – деді Марат Оралғазин.
