Еліміздің бірнеше кен орны мұнай өндіру жұмысын тоқтатты

Электр қуатын өшіру салдарынан бірнеше кен орнында мұнай өндіру жұмысы тоқтатылды, - деп хабарлайды "Opennews.kz" апарат агенттігі «ҚазМұнайГаз» ҰҚ акционерлік қоғамының баспасөз қызметіне сілтеме жасап.

Баспасөз қызметінің мәліметтеріне қарағанда, Маңғыстау атом энергетикалық комбинатында (МАЭК) энергия блогының ажыратылуына байланысты Маңғыстау және Атырау облыстарындағы «Өзенмұнайгаз» АҚ, «Маңғыстаумұнайгаз» АҚ, «Қаражанбасмұнай» АҚ, «Ембімұнайгаз» АҚ кен орындарында мұнай өндіру жұмысы жартылай және толық тоқтатылды.

Ұңғымалардағы жұмыс электр қуаты қосылғанда қайта басталады.