Цифрлық технология оқушылардың білімге құштарлығын арттырады

Цифрлық технологиялар оқу үлгерімі төмен оқушылардың білімін жақсартуға көмектеседі, - деп хабарлайды "Opennews.kz" ақпарат агенттігі.

Алматыда өткен семинарда білікті педагогтар оқыту жүйесіндегі әдістемелер жөнінде пікір алмасты. Ұстаздар Президент Жолдауында айтылған «Цифрлық мұғалім» жобасын іске асырудағы тәжірибелерімен бөлісті. Мысалы, қаладағы мектептердің бірінде жасанды зердені қолдану нәтижесінде оқушылардың биология мен тарих пәндеріне қызығушылықтары артқан. Мұғалім сабақты түсіндіру кезінде қарапайым көрнекі құралдардың орнына үш өлшемді моделдеуді пайдаланған. Нәтижесінде балалар сабақты зейін қойып тыңдайтын болған.