Әйелдің денесінен 19 литр болатын үлкен ісік алып тасталды

Павлодар қаласының тұрғынынан 19 литр сұйықтықтан тұратын ісік сәтті түрде алынды, - деп хабарлайды "Opennews.kz" ақпарат агенттігі.

Операция Павлодар облыстық Г.Сұлтанов атындағы аурухананың гинекологтары тарапынан жүргізілді. 55 жастағы науқас жоспарлы операция үшін ауруханаға жіберілген болатын. Операция 2,5 сағатқа созылып, 19 литр сұйықтық алып тасталды. Операциядан кейінгі кезең асқынусыз өтіп жатыр. Науқастың жағдайы тұрақты. Ол ауруханада тағы бір аптадай болады деп болжанып отыр. Содан кейін бақылау талдауларынан кейін дәрігерлер оны шығару туралы шешім қабылдайды.