Мерзімі өткен дәрі-дәрмекті қабылдайтын орындар ашылды
2 366
Алматы қаласында жарамдылық мерзімі өткен дәрі-дәрмектерді қабылдайтын арнайы орындар ашылды,- деп хабарлайды "Opennews.kz" ақпараттық агенттігі.
Қаладағы 36 емханаға осы мақсатта арнайы контейнерлер орнатылды. Экологиялық бастаманың негізгі мақсаты – ел аумағынан ескірген медициналық препараттарды жинап, оларды табиғатқа зиянсыз жолмен жою.
Дәрі-дәрмектер ауруға ем болғанымен қалдығы табиғатқа қауіпті. Сондықтан оны қоқысқа тастай салуға болмайды. Өткен жылы елде 1,46 млрд қорап дәрі-дәрмек сатылған. Оның қаншасы артылып күлге кеткені белгісіз. Былтыр экологтар «Таза Қазақстан» республикалық акциясы аясында сынақ ретінде ескірген дәрілерді жинап көріпті. Алматылықтар бірнеше айда 122 келі мерзімі өткен препарат тапсырыпты.
